مــاما .. هى ،،

19 يونيـــو ،، 

ف اليوم دة من سنين كتير - الحقيقة مش عارفة عددهم ،، عشان كل ما اسألها عليها تقولى : وانتِ مالك - ... اتولدت مامتـى ..

مامــا .. هى أكتــر انســـانة .. بتزعقلــى فى حياتى .. و هى أكتر حد برده بيدلعمى و بيعملى حاجتى .. 

و كعادتى كل سنة ببقــى مفلســة .. و معيش فلوس اجيب لها اى حاجة .. - نظراً لأنى فى موسم اجازة .. و مفيش لا دروس و لا مجموعات 

اعرف اقلبها فيها .. و اخنسر م الفلوس فيها -... 

و طبعــاً مــاما لأنها كل اللى يفرق عندها هو سلامتى .. و انى بصحة و سلام .. و عمرها ما اهتمت بالمسائل دى ...  فمبتزعلش من انى مش بجيب حاجة - لكــن طبعا حركات النفص ف البيت كتير .. لما كلهم بيشتروا هدايا كلهم ماعدا أنا .. و هنا بحس بالفرق الطبقى اللى ف بيتنــا - .. 

لكن برده لأنى انا مش من الطبقة الرأسمالية اللى عندنا ف البيت .. و اعتبر نخبــة البيـــت .. قررت ما اسكتش .. و اعمل حاجة برده ..

و دة بس حفــاظاً على (( مـاج النسكـافية اللى ماما بتعملهولى يعنى .. ))

و على هذا فقد قررت .. انى مش هقدملها السنة دى هدية مادية - دة بافتراض انى قدمتلها قبل كدة يعنى - .. انما هديتى ليها هتكون معنوية أكتــر .. 

فـــأول حاجة .. قررت انى  هعمــا مغامــرة متهورة .. و اخش المطبخ  .. اعملها أكــلة .. هى ما بتاكلهاش غير برة بس .. و ما بتعرفش تعملها فى البيت ..

ثـانيــا : نظراً لحسـى الفنى الفزاع .. فأنى قررت كمان اشغلهــا عقد كبير على ذوقى أنــا و كل خرزة فيه .. هكون أنا اللى مختــارها بنفســى ..

ثالثاً : - و أعتقد إن دى أكتــر حاجة هتفرحهـا يعنى - إنى هبطل ابهدلها الشقة لمدة أسبوع كامل .. و هحــاول أكــون منظمــة على قد ما اقدر يعنــى .. :D :D .. و الله الموفق فى النقطة دى بالذات يعنى .. 

و أخيــرا .. هحــاول أكــون أحســـن حد فى العالم دة .. عشان  أكيــد مفيش حاجة هتفرحهــا قد الحاجة دى ...

و فى النهاية .. أحب أقــول ,, 

إن أمــى هى .. كل هذة الأشيــاء الجميلة على وجــه الأرض ،،

التى تجمعت من أجلــى .. 

و اذا كنت دايمــاً .. بحب أرخم عليها و أقولها .. 

" انتِ ليكى الشرف طبعاً ,, إن أنــا بنتك ..

فالحقيقــة بقى .. إن أنــا اللى ليا كل الشرف و الحظ .. 

إنهــا تبقى أمـــى .. 

مامــا هى كل حاجة حلوة .. ف الدنيــا دى 

ربنا يخليكـــى ليــــا ..

بحــــبك يا أمـــــى