جميع النصوص المكتوبة فى المدونة .. مسموح بنشرها ... بس خليك لذيذ .. و ابقى قوول انت جايبها منين .. فاهم ؟؟!



28‏/06‏/2011

شروق ..





لا تَقلقْ عليهــا ..

فهــى فى أقصــى لَحظـاتِ ضَعفْهــا ،،
تَكون أقَّــوى مِما تَتَصــوّر .. 

فمع كلِ غُروبِ لَـهم  مِن حَياتِها .. 
تشــرقُ هـى من جــديدٍ ..




24‏/06‏/2011

مُمَثِلـــةْ



       كُنــتُ أودُ أن أصيــرَ .. مُمَثِلـــةْ ,, 
فَمَنَعَنـــي المُجْـتــمَعْ ..
خَــوفَــاً مِـن ..
.
.
.
 أن أُنــافِســـه ..

21‏/06‏/2011


الحــالة الوحيدة االلى ممكن اتنازل عنَـك فيهـا ..
هى إن الاقــى حد بيحبـك أكتر منى .. 
.
.
و أنــا عارفة ان دة مستحيــل ..

إهـــــداء : لـَـــهُ . 

20‏/06‏/2011

مــاما .. هى ،،

19 يونيـــو ،، 

ف اليوم دة من سنين كتير - الحقيقة مش عارفة عددهم ،، عشان كل ما اسألها عليها تقولى : وانتِ مالك - ... اتولدت مامتـى ..

مامــا .. هى أكتــر انســـانة .. بتزعقلــى فى حياتى .. و هى أكتر حد برده بيدلعمى و بيعملى حاجتى .. 

و كعادتى كل سنة ببقــى مفلســة .. و معيش فلوس اجيب لها اى حاجة .. - نظراً لأنى فى موسم اجازة .. و مفيش لا دروس و لا مجموعات 
اعرف اقلبها فيها .. و اخنسر م الفلوس فيها -... 

17‏/06‏/2011

امتــلاك ..

ربما يجب دائماً ..
أن تظل هناك أشياء .. يستطيع العالم بأســره أن يمتلكها ..
عــدا أنــتَ .. 
.
.
لتتــأكد أنك تمتلك أشياء .. 
لا يستطيــع العالم بأســره امتلاكهــا ..

انهيــار .

مين قال إنــه ضعف .. 


أيــوة أنا بنهــار .. و انهيار تام كمان .. 
و بقعد بالساعات أعيط لوحدى .. 

أيوة انتَ ممكــن تكسر حاجات كتير جوايا .. 
لما تقعد أيــام تخلينى ما اسمعش صوتك .. 

أيوة بغير من البنت دى .. اللى على طول بلاقيها عندك .. 
أيوة بضايق منها .. و بحس بيها .. 
و عشان كدة عارفة انهــا بتحبك .. و أحياناً بتصعب عليا عشان بحسها زيي أوى ..

انتَ بتنسانى كتيــر .. بس مش دى المشكلة .. 
أنا بس خايفة .. نسيانك ليا .. 
يعلمنى أنا كمــان النسيان .. و ألاقينى نسيتــك و أنا مش واخدة بالى ..

أنا عارفة ساعتها .. إنك عمرك .. ما هتسامحنى .. 
و عارفة كمان .. إنى هفضــل اتعب نفسى طوول العمر ..
عشان بس ما فكرتش فيك لحظــة .. و نسيتك فيها ..

انتَ لو كنت بتحاسبتى على أى غلطة عملتها معاك مرة .. 
فأنا بحاسب نفسى عليها .. ألف مرة ..

ساعات كتير ببقى عاوزة اسألك .. هو انتَ لسة بتحبنى زى زمان ..
بس بخاف اووى من اجابتك عليها .. فما بسألــش .. 
و بسكــت .. و بكمل ف انهيارى الداخلى .. 

أنا عارفة انى هفضــل أحب صوتك .. و ضحكك و عصبيتك ..
وكل .. كل ما فيك .. 
و عارفة برده .. انى هفضل طول عمرى ف انهيــار ..
إهــداء : لشخص واحد فقط .

أنانية

لأننــا أنانيــون.. حدَ الموتِ ..
نفــرحُ .. بخسـارتنا لهــم ..
و نحــزنُ .. عندمــا يُعوضونــا بأخرين ..

14‏/06‏/2011



لم يكن بيننا أى لغات رسمية .. 

فقد كانت كل أحـاديثنــا مُبهمــة .. 

ربما لهــذا .. حتــى الآن ..

لم ندرك أننــا افترقنــا  ..

12‏/06‏/2011


عُمــر الغيــاب ما كان ف اختيـاراتى .. 

.
.
.
بس للأسف أنا  دايمــاً كنت  اختيــاره الوحيد ..
........................................
قُلْ للغياب: نَقَصتني
وأنا حضرتُ ... لأُكملَكْ!
                                                                       - درويش.

10‏/06‏/2011

08‏/06‏/2011

كلمــات -متقـاطعــة -موت قاطعة-


أعلمُ أنى سآكفُ عن حبى لك .. 
و لكنى لن أكـف عن قوّلـي لهـذة الجملـة ..

~~~~~~~~~~~~~~


لن أمنعكَ من أن تحبَها..
ولكن قلْ لهـا :-
ألا تتكلم معك كما كنت أنـــا  .. و ألا تناديك كما كنت أناديك
.. و أن تَكفْ تقليـدى..
فيكفي أنها سرقتك منى ... 
و لا داعى أن تسرقَنى من نفســي ..

~~~~~~~~~~~~~~


    لم أخشـى منكَ وجع القلبِ ..
    فـحبك كان كفيلاً بذلك ..
    فقط .. كل ما كنتُ أخشــاه منك
     أن تُــوجع ذاكــرتي .. 

    ~~~~~~~~~~~~~~


    عندمــا حمــلتُ السكيــن لكـى أقتـلَ نفســى ,,
    خفـتْ علي من أن أجـرحَ يــداى .. 
    فأخذتـه منى .. و قتلتنى أنتَ .. 

    07‏/06‏/2011

    أنــانيـة ،، قـدر ..

    هو فعلا ً الموت .. ما بياخدش غير الطيـبيـن ..
    و لا هو الحالة الوحيدة اللى بنبـقـى طيــبين ..
     هى الموت ,,
    ؟؟!
    ~ ~ ~ ~ ~ ~ 

    الدنيا دى أنانية أووى ..
    بتفضل تاخد مننـا كل حاجة ..
    و أول ما تخلص كل اللى عندنا .. 
    و ما تلقيـش حاجة .. 
    بتــاخدنا .. احنــا نفـسنــا ،،

    ~ ~ ~ ~ ~ ~ 

    أى حبُ هـذا الذى يجعلُنــا ،،
    نتمنـى الموتَ قبــل من نحب .. 
    مُنتهــى الأنانيــة ،،
    أن نختــار الراحــةَ التامةَ لأنفسِنــا .. 
    و نتركُ لهــم  كـلُ الوَجــعِ ..

    06‏/06‏/2011

    05‏/06‏/2011

    من بره المنهـج


    و هى الدُنيــا دايمــاَ كدة .. 

    بتعمــل فينــا حاجات من بَرة المنهــج ..

    ~  ~ 
    الحيــــاة سـؤال إجبارى .. ما بيتصــححش .. 


    ~  ~ 

    كـان نفســى الدنيــا تسمــع كلامــى مرة واحد ...
    .
    .
    بس اتريهــا طلعت .. طَرشـــــه ..

    04‏/06‏/2011

    إنهــا بقـايا .. لهـــا (1)

    كـانت تتعــرى أمــام نفسِهــا كل يـومٍ .. 

    تُفَتِــشُ عن جروحِهــم التى فعلوهــا بها  .. 
    و تُضمِــدهـا ... 
    .
    .
    .
    ثُـم  تعــودُ لتجرحَ نفسَهــا بصورة أعنف .. 
    لتتـألم .. و تُثبــت لنفسِهــا .. 
    أنهــا وحدهـا القادرة على إيــلام نفسهــا .. 
    A Photograph For : Jason Langer .
    -1998

    03‏/06‏/2011

    الدموعُ دى إختــراع فاشل للتعبير عن وجَعنــا ..
    دى حتى كلها لون واحد .. مبتقدرش حتى تحدد درجة وَجَعنـا .. 
    أو توصفــه .. 

    دمــوعنا اللى بجــد .. ما بنشوفهـاش .. 
    و اللى كان يبقى سهل أووى نمسحهــا .. 

    02‏/06‏/2011

    عن بحر ما بقاش زى زمان ...ليه ؟!


    يوم عادى زي بقية أيام ربنا يعنى ...

    قررت فيه تخرج من قوقعة الحياة اللى عايشه فيها دى...

    المكان : الكورنيش .. صديقها الوحيد و المفضل برده ... بتحب أووى المكان دة..
    بتحس ان هوا البحر بيقدر يغسل كل الألم اللى ماليها ... صوت الموج و هوا بيخبط ف الصخر أحلى من صوت احسن سيمفونية لبتهوفن ... مزيكا بتضيعها عليها دوشة الناس من حواليها ...

    البحر بيفكرها بكل حاجة حلوة كانت فى حياتها - و كل حاجة وحشة برده. -

    بيفكرها بابوها اللى كان دائما يجيبها هنا و هى صغيرة
    و يعلمها ازاى تصطاد و ازاى تصبر ع الصنارة لحد ما تشبك معاها ...
    بس للأسف مات أبوها من قبل ما يقولها ازاى تبقى تشدها لما تغمز...
    و ملحقش يقولها و لحد دلوقتى الصنارة غرقانة ف البحر ...

    01‏/06‏/2011

    عن عجلة .. راكابها القدر ..!!

    1 يونيـو 2011 .. 

    بداية شهر جديد .. - و كان فيه هنا كلام كتير عن ذكريات الشهر دة .. بس تم الحذف عشان الكاتب ذاكرته واجعاه - .. 
    المهم ان النهاردة بداية .. البدايات كتير فى حياتنا و النهايات أكتر .. هو أصلا يمكن مفيش حاجة اسنها بداية و نهاية .. 
    الحكاية كلها ان القدر ساعات بيحب يلعب بينـا .. و أول ما بنيجى نصدقه .. بنلاقيه خلاص .. خلّـص لِعب ..  و بيضحك .. 
    بس احنا بنعيط .. مش عارفة ليه مش بيعلمنا حتى نبقى نضحك زيه .. !!