سآآتــــــــــى قريباً ....

أولا أحب أعرفكم بنفسى ... أنا بنت مصرية .. تقدر تقوول زى أى بنت ما هو أنا مش الفتاة الخارقة يعنى ..وبما أنى بنت مصرية فأكيد أنا بتعلم بنظااام التعليم المصرى ( و ما أدراك نظاام التعليم المصرى ) وطبعاً سلملى على وزير التعليم اللى شارب عصير ليموون مع بتوع الجامعات الخاصة،،،وبأمشى ف شوارع مصروبشووف الزحمة و المعاكساات و الناس اللى ماشية تكلم نفسها من اللى بيحصلها ... بقرأ الجرايد القومية اللى الحيااة فيها بمبى بمبى بمبى ،، و بقرأ الجرايد المعارضة اللى الحيااة فيها دايماً دمووع .. و قليل أووىلما بلاقى جراايد بتقدم الحقيقة زى ما هى .. و طبعا أكييد عندنا تليفزيوون فبشووف المسؤليين اللى الحكومة معيناهم بس عشان يطلعوا يحرقوا دمنا ف التليفزيوون قال يعنى احنا ناقصيين !! و اللى تحس من كلامهم انهم عايشين فى بلد تانية غير اللى احنا فيها ....
و طبعاً انا من ضمن ال80 مليوون مصرى (أو يمكن أكتر ) اللى فخورين انهم احفاد الفراعنة اللى بنوا الأهرامات و طردوا الهكسوس و حرروا البلاد ،،و اللى العالم كله بيتكلم عنهم لحد دلوقتى ،، بس أغلبية ال80مليون دوول دايماً بينسوا يسألوا نفسهم سؤال مهم أووى و هو أن الأجيال اللى جاية دى التاريخ هيقول لهم عننا ايه ؟؟ و هل هيبقوا فخورين بينا زى ما احنا فخورين بالفراعنة و اجدادنا المصريين كدة ؟؟ ولا ايييه ؟؟؟!!! طبعاً بعد المقدمة الطويلة دى انا مجبتش التايهة لأن كل دة انا عارفينه و عايشينه ،، و ساكتيين ... بس على رأى السادة المسئولين مفيش مشكلة،، و بما أنى اتولدت فى مجتمع السلبية و الخووف هما أوول صفاته ،، وكل يووم بيطلع ولاد وبنات متعلمين السلبية و الخووف على أصولهم، ( ودة طبعاً من المدرسة و البيت و الاعلاام وكل حاجة حواليهم ) .. ...و بما انى برده قريالى كلمتين كدة ف كاام كتااب تاريخ ،، فصعباان عليا حاال البلد و انى اسيبها .. و بقى بعد ما كنا بنصدر كل حاجة للعالم كله ،،، بقينا بنستورد كل حاجة من العالم كله برده ،، عشان كدة قررت انى اتمرد ع الواقع اللى لقيت نفسى فيه.. واتكلم و اصلح ،،،يمكن مش بمزاجى انى عشت عمرى اللى فات فيه ، بس يمكن اقدر اغير اللى جااى و اخلى عندى شوية أمل ف البلد دى.. و أحاول اصلح فيها ، يمكن اقدر اعيش لحد ما اشوف مصر دى ترجع زى ما كانت .... ويمكن ما اقدرش احضر اليوم دة ...بس الاهم انى هغير من نفسى تغيير يكون فى صالح بلدى .. هحلم حلم جمييل ... هيكون ليا هدف للبلد دى ... هدف لازم يتحقق فى يوم من الأيام بغض النظر عن أى صعوبات ... فقررت انى اكتب ... احلم .. اثور ..اتمرد..اعبر نفسى..اصلح حوليا .. عشان حلمى لبلدى يجيله يووم و يتحقق ..... لذلك انتظرووا كل ما سوف اكتبه من خلال تلك المدونة ... ممكن نقدر نعمل حاااجة .. و سآآتـــــــى قريباً...