من المعتاد لكل البشر .. و لكل إنسان ، أنه عندما يمر بفترة المراهقة .. أنه من المحتمل أن يمر بتجربة عاطفية .. وهذة التجربة ليست حتمية أن تكون فى سن محدد .. و هناك أيضاً من كانوا يتجنبون الدخول فى مثل هذة العلاقات ...
و هذا لأسباب عديدة .. يكفينى أن أذكر منها .. أنهم لم يجدوا فتى أو فتاة الأحلام ...
ولكن لأن الزمن يتغير .. و مفيش حاجة بتفضل على حالها ... فأصبح هناك ظاهرة منتشرة فى مجتمعنا .. وهى (( الصحوبية ))
و لكن انتبه .. هذة الكلمة لا تعنى نهائياً .. أن الولد و البنت أصدقاء ليس إلا .. و لا أنهم بينهم علاقة عاطفية أيضاً ...
لكنها تعنى أن هذا الولد و هذة البنت بينهم علاقة لا يمكن أن تسميها صداقة (لأن فى هذة الحالة يصبحان كالإخوات .. و لا يوجد أخ يرضى لأخته هذة العلاقة ).. و لا يمكن أيضاً أن نسميها حب ( لأن الحب علاقة مبنية على المشاعر و الإخلاص و الصدق))..
فهى علاقة بلا ملامح .. و لا طعم ...... من الممكن أن تبدأ بسرعة .. و تنتهى بسرعة بالغة أيضاً .... فالإنسان لا يحب سوى مرات معدودة فى حياته ... لكنه يستطيع أن يصاحب من مرمرات غير معدودة .. من الممكن أنه نصل إالى 3 مرات فى الأسبوع الواحد فأكثر ..
كيف تنشأ الصحوبية ...؟؟
الولد أو البنت حاسس بفراغ ..الولد نفسه يحس انه كبير وانه الشاب المودرن و الشخصية المتمدنة ...شايف كله اصحابه مصاحبين ... فهو طبعاً مش أقل منهم ...
و البنت نفسها تحس إنها جميلة ... نفسها تبقى زى البنات اللى بتشوفهم فى الأفلام بيحبوا و مصاحبيين و كدة .. و بتبنى جواها استعداد انها تصدق أى كلمة حلوة تتقال لها ..
و طبعا الإتنين بيدورا على أى شخص سواء كان مناسب أو مش مناسب .. المهم يكون شكله استايل و حلو .. لزوم الفشخرة ادام اصحابهم يعنى ....
و تنشأ هذة العلاقة فى قصر كبير من الوهم و الخيال .. تنشأ بلا عقل و بلا قلب أيضاً ... المهم أن كل واحد من الاتنين يكون عنده جيرل فريند أو بوى فريند ...
و هذة ليست مشكلة .. فهما اتنين موهمين و بيكدبوا على نفسهم ... لكن أن تصبح هذة الظاهرة واقعاً يفرض نفسه علينا غصباً ..هذة هى المشكلة ...
فمبقاش ينفع تتكلم مع حد .. الا لما يسألك هو انت مصاحب ؟؟ او انت مرتبط ؟؟... و يبقى مستغرب أووى لما تقوله لأ ...
و العجيب أكتر أن الصحوبية دى بقى عليها عروض كمان (offers y3ni !) .. يعنى لو واحد مصاحب واحدة ... ممكن هو يجيب اتنين من صحابه و هى تجيب اتنين من صحباتها ..و يتعرفوا على بعض و كدة يعنى ...
كمان أن الصحوبية دى ملهاش سن محدد .. و مبقاش فى حاجة اسمها انت لسة صغير .. يعنى بتبدأ من مرحلة ابتدائى ....
و ببساطة أكتر هى ملهاش أى قاعدة و شرووط .. المهم إنك تكون مصاحب .. و ليك بريستيجك ... عشان متبقاش دقة قديمة .. ومش ماشى مع العصر ... أما الحب و المشاعر و الكلام دة كله اصبح لا يليق بهذا الزمن .... و عفواً لك أيها الحب...
ليست هناك تعليقات:
إرسال تعليق
التمرد للجميع .. قول اللى عندك ..