و كـان كل واحد فيهم بيقدر يتسلـل بليــل .. 

و يروح يشوف منظر التانى من غيـره عامــل ..ازااى ؟؟

أكيــد مكنش دة بقى حالهم دلوقتى .. 

لو كان هو يقـدر يروح يشوفها .. كل ليلة و هى نايمة ..

و دموعها عمالة تنزل من عينيها بشكـل هيستيرى..

و كأن عنيها اتخلقت بس عشــان تعيط عليه .. 

أكييد كان هيديها كل هدومه عشان تمسح دموعها بيها .. 

ازااى كان يستحمل .. يشوفها كدة .. و هو لما كانت بس بتفكر تزعــل ..

كان ممكن يعمل اللى ما يتعملش عشان ترجع عن تفكيرها دة ..

لـو كـان يقدر يدخـل جواهـا و يحــس احساسهــا ..

كل لما بتشوفه واقف بيتكلم مع واحدة غيـرها .. 

أو بيضحك مع واحدة غيرهــا .. و قد ايه دة كان بيقتلها من جواها ..

كان ممكن يفقــد النطق .. عشان يبطل يكلم حد غيرها ..

و كان هيقضى بقية عمره اكتئــاب على كل ضحكـة ضحكها مكنتش معاها ..

لــو كانت الحيــاة بس .. اديته بس الفرصة دى ..

و لو كـانت هى راحت بليــل شافته كل ليلة ..

و هو فاتح صورهم مع بعض .. و كاتم دموعـه جواه ..

خايـف يعيط فعـلاً .. لا يصدق انهم فعلا ما بقـوش مع بعض بجــد ..

لو كانت شافته و هو داخــل من أكونت صاحبـه .. على بروفايلها ..

و كل لهفــة انه يطمــن عليها .. و يشوفهـا عاملة ايه من بعده .. 

لو كانت شافت غيرتـه عليها .. لو لاقاها بترد على واحد غيره .. 

و عرفــت كم انكســاره و هو مش قادر يبعد الشخص دة عنها .. 

و يقوله انه ملوش دعوة بيها تانى .. 

لو كــانت تعرف حيرته كل يوم ادام رقمهـا .. و هو جايبه و قاعد يبص عليه..

وقد ايه واحشـه انه يسمع من تانى صوتهـا .. و هى بترخم عليه زى زمـان .. 

لو كانت حست كم خوفه اللى مانعه من انه يتصـل ..

خايـف منهـا .. لتجرحــه .. و خايف عليها .. لأنه عارف ان جرحهـا ليه ..

هيخليهــا تجــرح نفسها أووى .. 

لو كـانت الحيــاة .. قدرت بس تديها الفرصـة دى ؟؟!!

لو كانـوا قدروا ياخـدوا من الحيــاة فرصــة كمان .. و كانت الحياة اديتهم فرصة

لو كـان كل واحـد فيهم يقـدر يشـوف موت التانى من غيـره عامــل ازااى ؟؟ 

لو كان كــل واحد فيهم يقدر يشوف سرير التانى الصبـح ..عـامل ازااى ؟؟!

ازااى مغرقــاه دموعهـم على بعض م الليلة اللى قبلهـا

لو كان كل واحد فيهم حــاول يبص فى عين التانى مرة ..

..و ما يتجنبهاش زى ما بيعمل فى كل مرة بيتقابلوا فيها

كــان هيلعـن نفسـه مليون مرة .. 

و يفكــر تانى مليــون مرة ..

كان هيرضـى بأى ظــروف .. 

و كان هيحب أى عيــب فى التانى .. مهما كان بيكرهها و مهما كانت بتضايقــه ..

و لكــن صدق اللى قال : 

" شيئان ليس لهمــا حــدود .. الكــون و غبــاء الإنســـان " ..

لحـب اللى ف قلبـى .. والدمع اللى فى عينى .. والنـار اللى ف جنبى .. و الشوق اللى كاوينى ..
ف بعـدك و لا مـرة فاتونى .. لو أنســاك إزاى ينسـونى ..
لــو كنت يـوم أنســاك إيـه افتكــر تانـى ..!!
(عبد الحليم حافظ )

مستوحـاه من قصص حقيقيــة لنـاس أصحـابى كتيــر .. :):)